ҚР Премьер-министрі Асқар Мамин жұмыс сапары аясында Шымкент басшылығымен кеңес өткізді, деп хабарлайды Bnews.kz тілшісі.
Қалада бірқатар нысандардың құрылысы жоспарланған, оның ішінде әуежайда жаңа терминалы, айналма жол, теміржол вокзалын қайта жаңарту, қоғамдық көлікті жаңарту.
Асқар Мамин Қазақстан Президенті Шымкент құрылысы мен оны дамытудың 2023 жылға дейінгі кешенді жоспарын әзірлеп, бекітуге тапсырма бергенін еске салды.
“Қазір Шымкент-миллион халқы бар Қазақстанның жетекші өнеркәсіптік, экономикалық және мәдени орталықтарының бірі. Мемлекет басшысы “Nur Otan” партиясының съезінде Үкімет пен әкімдіктерге елдің ірі қалалары шеттерінің мәселелерін шешу мен абаттандыруға ерекше назар аударуды тапсырды”, – деп атап өтті премьер.
Асқар Мамин қысқа мерзімде Шымкент құрылысының кешенді жоспарын қабылдау бойынша барлық қажетті процедураларды аяқтауды тапсырды. Сонымен қатар, халықтың өмір сүру сапасын жақсартуға және табысын арттыруға ерекше көңіл бөлуді ұсынды.
Сурет: sputniknews.kz
