Еңбек және халықты әлеуметтік қорғау министрі Серік Шапкенов мүгедектігі бар азаматтарды әлеуметтік қорғауға бағытталған жаңа заң жобасы туралы айтты. Бұл туралы zakon.kz жаңалықтар ресурсы хабарлайды.
Оның айтуынша, заң жобасының мақсаты заңнамадағы сегрегациялық терминдерді алып тастау бойынша БҰҰ мүгедектердің құқықтары туралы Конвенциясының нормаларын орындау, мүгедектігі бар адамдарды әлеуметтік қорғау бойынша шараларды белгілеу болып табылады. 70-тен астам заңнамалық актіге өзгерістер мен түзетулер енгізу қажет.
“Өмір сүру мен денсаулықты шектеудің халықаралық жіктемесіне сәйкес, жеті жастан 16 жасқа дейінгі балаларды мүгедектік топтары бойынша бөлу қарастырылған. Қазіргі уақытта бізде 16 жастан 18 жасқа дейінгі бар. Бұл шара балалар ауруының күрделілігіне байланысты жәрдемақылардың мөлшерін саралап белгілеуге мүмкіндік береді. Атаулы көмек, жәрдемақылардың мөлшері, атаулы көмектің қажеттілігіне байланысты енгізіледі. Барлық топтағы мүгедек балалар үшін жәрдемақы мөлшері 16-дан 37%-ға дейін ұлғайтылады”, – деді министрлік басшысы.
Мүгедектігі бойынша жәрдемақыдан басқа, асыраушысынан айырылған мүгедек балалары бар отбасыларға қаржылай көмек көрсетілетін болады. Бұндай жәрдемақыны 2 мың бала алады, ал жұмыс кезінде зардап шеккен азаматтар техникалық құралдар және оңалту қызметімен мемлекет есебінен қамтамасыз етеді.
“Сондай-ақ, мүгедек балаларды тәрбиелеп отырған отбасыларға, бала кәмелеттік жасқа толғаннан кейін, тұрғын үйге кезекке тұру құқығы сақталады. Балалар кәмелетке толғанға дейін кезекте тұрады, ал кәмелетке толғанда 1-2 топтағы мүгедек болып қалса, қайтадан кезекке тұруға мәжбүр болады. Бұл норма 20 мың баланың кезегін сақтауға мүмкіндік береді”, – деп толықтырды Шапкенов.
Сондай-ақ, ол бұл әлеуметтік қорғау шаралары Қазақстан президенті Қасым-Жомарт Тоқаевтың әлеуметтік салада алға қойған мақсаттарын орындаудың бастамасы екенін атап өтті.
“Заң жобасын қабылдау бюджеттен қосымша қаржы бөлуді қажет етпейді. Шығын нормалары 2021-2023 жылдарға арналған бюджеттен бөлінген қаражат – 55,4 млрд теңге – шеңберінде іске асырылатын болады. Осы нормаларды қабылдау ҚР Президентінің биылғы жылы әлеуметтік салада алға қойған міндеттерін шешудегі алғашқы қадамы болып табылады”, – деп қорытындылады саясаткер.
Сурет: nur.kz
