Қазақстанның әуе кеңістігін қорғау үшін алғаш рет “БУК-М2Э” ресейлік әмбебап зенитті зымыран кешені пайдаланылатын болады. Бұл туралы Қорғаныс министрлігінің баспасөз қызметі хабарлайды.
“БУК-М2Э” Ресей Федерациясында “Алмаз-Антей” ШҚО концерні” АҚ-да жиналды. Қазіргі уақытта кәсіпорын қызметкерлері кешенді мемлекеттің әуе шабуылына қарсы қорғаныс әскерлеріне орналастыру жұмыстарын жүргізуде.
Республика ҚК Әуе қорғанысы күштерінің Бас қолбасшысы авиация генерал-лейтенанты Нұрлан Орманбетов “БУК-М2Э” осындай кешендердің ішіндегі ең нәтижелі түрінің бірі деп танылғанын атап өтті. Зениттік-зымыран кешенінің арқасында әуе кеңістігін және жауапкершілік аймағындағы стратегиялық нысандарды қорғаудың жауынгерлік әлеуеті едәуір артады.
“Бук-М2Э” орта қашықтықтағы әуе шабуылына қарсы қорғаныс құралдары ішінде өз тобы бойынша ең жақсысы деп атауға болады. Алынған кешен әуе кеңістігін және жауапкершілік аймағындағы маңызды нысандарды қорғау үшін жауынгерлік мүмкіндіктерді едәуір арттырады. Сынақтардан кейін, ол елдің әуе шабуылына қарсы қорғаныс жүйесімен біріктіріліп, жауынгерлік кезекшілік жүргізетін болады, – деп қорытындылады Орманбетов.
Сурет: pinterest.ru