Біздің республикамыздың бас санитарлық дәрігері Айжан Есмағамбетова Қазақстанда коронавирус инфекциясының таралуына жол бермеуге бағытталған жаңа қаулы шығарды. Бұл туралы zakon.kz жаңалықтар арнасы хабарлайды.
Есмағамбетованың қаулысына сәйкес Қазақстанда 65 жастан асқан азаматтардың жүріп-тұруына шектеу енгізіледі. Сонымен қатар, қарт адамдарды азық-түлік және дәрі-дәрмекпен қамтамасыз ету қарастырылған.
Сондай-ақ, шығарылған қаулыға сәйкес ағымдағы жылдың 6 сәуірінен бастап барлық қазақстандық мектептер қашықтықтан оқыту форматына көшіріледі.
Құжат бойынша әуежайлар, темір жол вокзалдары мен автовокзалдар ғимараттарына шығарып салушылар мен қарсы алушыларға кіруге тыйым салынады.
Бұған дейін Мәжіліс Спикері Нұрлан Нығматулин 65 жастан асқан депутаттарға отырыстарға қатыспай, өз қауіпсіздігі үшін үйде қалуға кеңес берілетінін айтқан.
Мұндай шаралар Президент Қасым-Жомарт Тоқаевтың тапсырмасы бойынша Қазақстанда әрекет ететін төтенше жағдай режимі аясында қабылданды.
Қазақстан Республикасы Денсаулық сақтау министрлігінің соңғы мәліметтеріне сәйкес, біздің республикада коронавирус ауруының 125 жағдайы ресми тіркелді.
Сурет: ru.sputniknews.kz
