Интернет арқылы әйелдерге сыйлық сатып алған астаналық он ер адам алаяқтардың құрбаны болды, деп хабарлайды Астана телеарнасы.
Жәбірленушілер әлеуметтік желілерде және хабарландыру сервистерінде әдемі безендірілген сайттар мен беттерге назар аударған. Алаяқтар гүлдер, жұмсақ ойыншықтар, зергерлік бұйымдар және басқа да өнімдерді сатып алуды ұсынды. Оларды сатып алу үшін алдын ала шотықа жүз пайыз төлем аудару қажет болды. Қылмыскерлер аударма алған кезде, бірден сайттар мен беттерді жойды.
Он оқиғаның тек біреуі ғана ашылды. Шығыс Қазақстан облысының тұрғыны ұсталды. Мұндай қылмыстарды ашу пайызы көп емес. Олардың үштен бірі ғана сотқа жеткізіледі.
Астана қаласы ІІД Криминалдық полиция бөлімшесі басшысының хабарлауынша, сатып алушылар 50000 теңгеден 700000 теңгеге дейін ақша аударған. Олардың бірі 700000 теңге әйеліне гауһар тас және зергерлік бұйымдарға тапсырыс берген.
Сурет: pixabay.com
