Қазақстанның жүзге жуық азаматы жалпы сомасы 250 млн теңгеден асатын зейнетақы активтерін жеке инвестициялық компаниялардың қолына бергісі келеді. Бұл туралы “Хабар 24″ақпараттық ресурсы хабарлайды.
Қазіргі уақытта 3 субъект Қазақстанның зейнетақы қорымен зейнетақы жинақтарын сенімгерлік басқару туралы келісімдер жасасты. Қаржы нарығын реттеу және дамыту агенттігінің деректеріне сәйкес субъектілердің әрқайсысы табыстылық көрсеткішін өтеу бойынша міндеттемелер алады.
Егер осы жылдың нәтижелері бойынша орташа айлық пайданың сомасы тиісті сомадан аз болса, онда компания ақшалай жинақтарды өз капиталы есебінен өтеуге міндетті болады.
Агенттікте Қазақстан азаматтары зейнетақы активтерінің артығын лицензиясы 3 жылдық тәжірибесі және үш миллиард теңгеден кем емес мөлшердегі өз капиталы бар құрылымдарға ғана аудара алатынын еске салды. Ақша жинақтарын 2 деңгейлі банктердің банктік депозиттеріне аудару мүмкіндігі осы мерзімде қарастырылмайды, деп ведомствада толықтырды.
“Активтердің сақталуын қамтамасыз ету үшін агенттік инвестициялау бағытында зейнетақы активтерін әртараптандыруды қарастырады. Егер салымшылар жинақтарының барлық сомасы 2 деңгейдегі банктердің бірінде депозитке орналастырылады деп болжасақ, онда біз белгілі бір тәуекелдерді көреміз, өйткені бұл бір заңды тұлға, банкроттық немесе бизнестен шығу ықтималдығы бар”, – деп Қазақстан Қаржы нарығын реттеу және дамыту агенттігі департаменті басшысының орынбасары Гүлчехра Талқамбаева түсіндірді.
Сурет: 24.kz
