Қорғаныс министрлігінің тікұшағы бүгін кешке Қызылорда облысы Жалағаш ауданында апатқа ұшырады, деп хабарлайды министрліктің баспасөз қызметі.
Сәрсенбі, 27 наурыз күні Қазақстанның ӘӘК Ми-8 тікұшағы апатқа ұшырады. Тікұшақ құлап, толығымен жанып кетті. Оқиға орнында, алдын ала мәлімет бойынша, құрбандар бар. Апатқа ұшырағандардың саны мен жағдайы нақтылануда. Тікұшақ Ақтаудан Шымкентке төрт жауынгерлік тікұшақтан тұратын буын құрамында ұшып бара жатты. Ұшу қараңғыда және қолайсыз ауа райында «Алтын жебе» арнайы бөлімшелерінің кешенді тексеру және жаттығулары аясында өтті.
Қорғаныс министрі Нұрлан Ермекбаевтың бұйрығымен Қорғаныс министрлігінің арнайы құрылған комиссиясы апат орнына жіберілді.
Төрт тікұшақтың екеуі Қызылордаға қонды, бір тікұшақ апатқа ұшырады. Қорғаныс министрлігі мен Ішкі істер министрлігі оқиғаның себептері мен мән-жайын бірлесіп зерттеу жұмыстарын бастады.
Сурет: nur.kz
