Қазіргі уақытта жаңа инфекция Қытайдың провинциялары мен қалалары бойынша белсенді түрде тарауда, коронавирусты жұқтырудың 77 жағдайы тіркелді. Бұл туралы Қытайдың денсаулық сақтау ісі жөніндегі ұлттық комиссиясының баспасөз қызметі хабарлады.
Қытай комиссиясының өкілдері бүгінгі таңда ауруды жұқтырғандардың жалпы саны 291 адамды құрайтынын атап өтті. Инфекция Хайнань, Цзилинь, Аньхой, Чжэцзян, Цзянси, Гуйчжоу және Нинся-Хуэй автономиялық ауданы сияқты Қытай провинцияларында белсенді таралуда.
Сондай-ақ, медицина мекемелерінің қызметкерлері қауіпті вирус жұқтырған адамдармен байланыста болған 1800-ге жуық адамды оқшаулады. Емделушілердің басым бөлігі шығарылды, алайда карантинде 900-ден астам адам қалып отыр.
Бұған дейін Қытайдың денсаулық сақтау мәселелері жөніндегі мемлекеттік комитетінің арнайы сарапшылар комиссиясының басшысы Чжун Наньшань вирусты инфекция адамнан адамға жұғатынын ресми түрде мәлімдеді.
Қазақстандық тауарлар мен қызметтердің сапасы мен қауіпсіздігін бақылау комитеті, өз кезегінде, Қытай қалалары мен провинцияларында вирустың белсенді таралуы байқалғандықтан, біздің еліміздің азаматтарына онда барудан бас тартуды ұсынды.
Сурет: Tsn.ua
