Қазақстан денсаулық сақтау министрлігі қазіргі таңда Қытайда өкпе қабынуының өршуі байқалады,осыған байланысты біздің республикамыздың азаматтары осы елге барғанда сақ болуы керектінін хабарлайды.
Қазақстан ведомствосы Қытайға баратындарға респираторлық инфекциялардың алдын алудың негізгі шараларын қатаң сақтауды ұсынады.
Ведомство өкілдері біздің республикамыздың азаматтарын ҚХР-ға сапары кезінде жіті респираторлық жұқпалардың белгілері бар адамдармен тығыз қарым-қатынаста болмауға шақырады.
Қытай Ухань қаласының муниципалдық Денсаулық сақтау комиссиясының ақпараты бойынша, бүгінде ҚХР-да халықтың өкпе қабынуы ауыруының 59 жағдайы тіркелген. Дәрігерлердің айтуынша, 7 науқас ауыр жағдайда.
Халықтың инфекциямен ауруының себептері әлі күнге дейін анықталған жоқ. Алайда өкпе қабынуы қоздырғыштарының тізімінен эпидемиялық тұмаудың, құс тұмауының және жіті респираторлық вирустық аурулардың қоздырғыштары алынып тасталды.
Сондай-ақ, Қазақстан Денсаулық сақтау министрлігінде аурудың адамнан адамға берілу фактілері анықталған жоқ деп сендірді.
Қазір Қытайдың Ухань қаласында осы инфекцияның қоздырғышын анықтау шаралары жалғасуда. Бұл жұмысқа ҚХР-ның басқа өңірлерінен мамандар тартылды.
Сурет: iz.ru
