Атап айтқанда, ҚХР төрағасы терроризмге қарсы күресті тереңдету саласында ынтымақтастыққа шақырды
Азия мемлекеттері өңірде жалпыға бірдей жаңа кешенді қауіпсіздік архитектурасын құру жолдарын іздестіруге тиіс. Бұл туралы сенбі күні Азиядағы өзара іс-қимыл және Сенім Шаралары Кеңесінің (АӨСШК) саммитінде ҚХР Төрағасы Си Цзиньпин мәлімдеді.
«Азия ерекшеліктерін ескеретін өңірлік қауіпсіздіктің жаңа архитектурасын құру жолдарын іздестіру қажет», — деді ол. «Біз Азияда қауіпсіздік пен дамудың жаңа жағдайын қалыптастыруымыз керек. Азияда өзара сыйластық пен өзара сенім атмосферасын құру біздің ортақ мақсатымыз болып табылады», – деді мемлекет басшысы.
«Жалпыға ортақ, кешенді және тұрақты қауіпсіздікті құру тұжырымдамасын жүзеге асыруды жалғастыру, сондай-ақ конфронтация емес, диалог қалыптастыру, тайталас емес, әріптестік құрудың жақтаушысы болу маңызды», — деп толықтырды ол.
Сондай-ақ, ҚХР Төрағасы терроризммен күрес саласындағы ынтымақтастықты оның барлық формаларында тереңдетуге және «экстремистік идеялар толқынының қалыптасуын болдырмау үшін тиімді алдын алу шараларына ерекше көңіл бөлуге»шақырды.
«БҰҰ Жарғысының мақсаттары мен қағидаттарын ұстану, әрбір елдің егемендігін, тәуелсіздігін және аумақтық тұтастығын, мемлекет өзі таңдаған саяси құрылысы мен даму жолын құрметтеу қажет. Нөлдік сомалық ойын және протекционизм принциптерінен бас тарту керек», — деп түйіндеді Си Цзиньпин.
