“Әділ сөз” сөз бостандығын қорғау халықаралық қорының заң қызметінің жетекшісі Тамара Симахина Парламентке үндеу жіберілгенін, онда құқық қорғаушылар Қазақстанның Қылмыстық кодексінен жала жапбу және қорлау туралы барлық жанжалды баптарды алып тастауды талап ететінін айтты. Бұл туралы “ҚазТАГ” ақпарат агенттігі хабарлады.
“Декриминализация болмайды, және біздің күш-жігеріміз Парламентке бірінші кезекте қылмыстық кодекстен 129-бап “Жала жабу” және 130-бап “Қорлау” алынып тасталуы тиіс деп ойлаймыз. Мен Қырғызстан мен Тәжікстанды мысалға келтіремін,онда бірнеше жыл бойы жала жабу және қорлау Азаматтық кодекске енгізіліп, ақшалай өтемақы мен моральдық зиян түрінде жауапкершілік белгіленген. Яғни, оларда бұл қылмысты іс емес, сондықтан біз Парламент Қылмыстық және Азаматтық кодекстерге өзгерістер енгізіп,ұсыныстарды орындау үшін бірлесіп күш салудамыз”,-деді Симахина.
Өз кезегінде Жоғарғы Соттың судьясы Елена Максюта Қазақстанның бас сот органы процестің барлық қатысушылары үшін алдын ала болжауға болатын сот тәжірибесін белгілеуге мүдделі деп мәлімдеді.
“Біз сот тәжірибесін болжауға болатындай етіп, журналист қандай да бір жанжал болған кезде немесе жанжалды тудыруы үшін, ең болмағанда салдары қандай болуы мүмкін және өзін-өзі қалай ұстау қажет деп ойлауы үшін осыны жасағымыз келеді. Яғни, біз және Жоғарғы Сот Төрағасы бұл туралы жиі айтамыз, сот тәжірибесі адамдар нормативтік қаулыны оқып, қандай да бір мәселені анықтай алатындай және қандай жағдайда сот не істейтінін болжай алатындай болуы тиіс”,-деп мәлімдеді Максюта.
Сондай-ақ Симахина “Әділ сөз” халықаралық Сөз қорғау қоры 20 жыл бойы өз қызметін жүргізіп келе жатқанын және оның басты міндеті – дау-жанжалды мақалаларды қылмыстық сипаттан арылту.
Сурет: Tengrinews.kz
