Біздің республикамыздың басшысы Қасым-Жомарт Тоқаев Түркия әріптесі Реджеп Тайып Ердоғанмен телефон арқылы сөйлесті. Бұл туралы Қазақстан президентінің баспасөз қызметі хабарлады.
Телефон арқылы сөйлесу басында Қазақстан мен Түркия Президенттері бір-бірін қасиетті Құрбан айт мерекесімен құттықтады.
Содан кейін тараптар коронавирустық індетке назар аударып, елдерде онымен күресуге бағытталған шараларды талқылады. Сондай-ақ, Қасым-Жомарт Тоқаев Түрік тарапына көрсеткен көмегі үшін алғыс айтты.
Қазақстан мен Түркия көшбасшыларының назары екі елдің ынтымақтастығы мәселелеріне де аударылды. Бұл тұрғыда тараптар өзара сауда мен бірлескен инвестициялық жобаларды жүзеге асыруды талқылады.
Сондай-ақ, телефон арқылы сөйлесу барысында Қасым-Жомарт Тоқаев Режеп Тайып Ердоғанды Қазақстан Республикасына ресми сапармен келуге шақырды.
Соңғы мәліметтерге сәйкес, біздің елімізде коронавирус инфекциясын жұқтыру жағдайларының саны 90367 құрайды, ал Қазақстанда 60825 адам вирустан емделді.
