Мемлекет басшысы Қасым-Жомарт Тоқаевтың Қазақстан Республикасы Сауда министрлігінің басшысы Бақыт Сұлтановпен кездесуі өтті. Бұл туралы «Қазақпарат» ақпарат агенттігі хабарлады.
Қазақстан басшысымен кездесуде Сауда министрі осы жылдың жеті айындағы Сауда министрлігінің қызметінің нәтижелері туралы есеп берді.
Сондай-ақ Бақыт Сұлтанов Қасым-Жомарт Тоқаевқа сауданың 2025 жылға дейінгі даму перспективалары туралы баяндады.
Министрдің баяндамасымен танысқан еліміздің көшбасшысы, оған Сауда министрлігінің алдағы жұмысына қатысты бірқатар тапсырмалар берді.
Тапсырмалардың бірі — Қазақстан Республикасының сауда саласын қалпына келтіре және одан әрі дамыта отыра, сыртқы нарыққа шығу.
Сондай-ақ Қасым-Жомарт Тоқаев ішкі нарықты сапалы әрі қауіпсіз өніммен қамтамасыз етуге мүмкіндік беретін жағдай жасаудың маңыздылығын атап өтті.
Бұған дейін мемлекет басшысы Индустрия және инфрақұрылымдық даму министрі Бейбіт Атамқұловты қабылдады, ол Индустрия министрлігінің 2020 жылдың жеті айындағы қызметінің қорытындылары туралы есеп берді.
Сурет: akorda.kz
