Қазақстан көшбасшысы Қасым-Жомарт Тоқаев бүгін біздің республикамыздың сыбайлас жемқорлыққа қарсы ведомствосының басшысы Алик Шпекбаевпен кездесу өткізді, деп хабарлайды 365info.kz ақпарат ресурсы.
Кездесуде мемлекет басшысына сыбайлас жемқорлыққа қарсы іс-қимыл агенттігінің ағымдағы жылдың жеті айында атқарған жұмысы туралы есеп берілді.
Сондай-ақ, Алик Шпекбаев Қасым-Жомарт Тоқаевқа сыбайлас жемқорлықпен күресуге тырыспайтын шенеуніктердің отставкаға кету институтын іске асыруға қатысты бұрын берілген тапсырмалардың орындалу барысын баяндады.
Президент өз кезегінде республиканың сыбайлас жемқорлыққа қарсы қызметінің азаматтық қоғаммен өзара іс-әрекетіне оң баға берді. Сондай-ақ, Тоқаев Қазақстанда мемлекеттік органдар жұмысының сервистік моделін енгізудің маңыздылығы туралы мәлімдеді.
Кездесу соңында мемлекет басшысы биылғы жылдың 19 тамызында өткен сыбайлас жемқорлыққа қарсы күрес мәселелері жөніндегі кеңесте берілген тапсырмалардың тезірек орындалуының маңыздылығын ерекше атап өтті.
Бұған дейін Қасым-Жомарт Тоқаев Қазақстан азаматтары тұрмыстық сыбайлас жемқорлыққа тап бола берсе, билік органдары жүргізіп жатқан қандай да болмасын жұмыс айтарлықтай нәтиже бермейтінін айтқан болатын.
Сурет: akorda.kz
