Қазақстан дипломатиялық ведомствосының басшысы Мұхтар Тілеуберди президент Қасым-Жомарт Тоқаев қауіпсіздік жөніндегі Мюнхен конференциясына шақырылғанын айтты. Бұл туралы «Қазақпарат» ақпарат агенттігі хабарлады.
Мұндай ақпаратты СІМ басшысы Қазақстан Республикасы Парламентінің төменгі палатасында өткен БАҚ өкілдерімен кездесуде жария етті.
Мұхтар Тілеубердінің айтуынша, мемлекет басшысы осы жылдың 14-16 ақпан аралығында Германияның Мюнхен қаласында өтетін конференцияға қатысады. Сонымен қатар, іс-шараға Президентпен бірге Қазақстан Сыртқы істер министрі қатысады.
Сондай-ақ, қауіпсіздік жөніндегі Мюнхен конференциясы алаңында СІМ басшысы мен Қасым-Жомарт Тоқаевтың Германия тарабының өкілдерімен бірқатар екіжақты кездесулер жоспарланғанын атап өтті.
Іс-шара аясында «Мультилатерализм үшін Альянс» форумын өткізу жоспарланған және оған Қазақстанның сыртқы саяси ведомствосының басшысы қатысуға ниетті.
Қауіпсіздік бойынша Мюнхен конференциясы 1962 жылдан бастап жыл сайын Германияның Мюнхен қаласында өткізіледі. Бұл конференцияны Германия үкіметі қаржыландырады.
Сурет: zakon.kz
