Біздің республикамыздың көшбасшысы Қасым-Жомарт Тоқаев Қазақстанда қатаң карантин режимін ұзарту жөнінде айтты. Бұл туралы tengrinews.kz ақпарат агенттігі хабарлады.
Президент індеттің таралуын болдырмау және азаматтардың өмір қауіпсіздігін қамтамасыз ету мақсатында елімізде карантин ағымдағы жылдың шілде айының соңына дейін ұзартылатынын атап өтті.
«Елдегі эпидемиологиялық жағдайға байланысты карантин режимі тағы екі аптаға ұзартылады. Ертең Үкімет комиссиясы шешім қабылдайды. Карантин, өзін-өзі қорғау шараларын қатаң сақтаған жағдайда, азаматтардың денсаулығын қорғау үшін қажет», — деді Қасым-Жомарт Тоқаев.
Сондай-ақ, мемлекет басшысы Қазақстан Республикасында мұқтаж азаматтарға 42,5 мың теңге көлемінде әлеуметтік көмек төлеу туралы шешім қабылданғанын айтты.
5 шілдеден бастап елімізде мемлекеттік комиссияның шешімімен екі апталық қатаң карантин енгізілген.
Бұл шешімді мемлекеттік комиссия коронавирустың одан әрі таралуын болдырмау үшін қабылдады. Қазақстанда оны жұқтырудың 59899 жағдайы тіркелді.
Сурет: sputniknews.kz
