Министрлер Кабинетінің кеңейтілген отырысы барысында президент Қасым-Жомарт Тоқаев билік органдары қабылдаған әлеуметтік маңызы бар тауарлардың бағасын ұстап тұруға бағытталған шараларды сынға алды. Бұл туралы мемлекет басшысының баспасөз қызметі хабарлады.
Тоқаев бұл шаралар оң нәтиже бермегегін мәлімдеді. Оның айтуынша, бұны республикада азық-түлік тауарларының бағасы 11%-ға өскені дәлелдейді. Сонымен қатар, Президент олардың жалпы инфляцияға қосқан үлесі 60%-ды құрағанын нақтылады.
Осыған байланысты біздің еліміздің көшбасшысы үкімет бағаның өсу проблемасын шешуге мүмкіндік беретін шаралар әзірлеп, қабылдауы керек деп мәлімдеді.
Сондай-ақ, Қасым-Жомарт Тоқаев билік 24 көтерме-тарату орталығынан тұратын ұлттық тауар өткізу жүйесін іске қосуды жеделдету қажеттігін атап өтті.
Сауда министрлігінің ақпараты бойынша, бұл тауар өткізу жүйесі фермерлерді, сатып алушыларды, көлік жүргізушілерді, өткізушілер мен тұтынушыларды кластерге біріктіру үшін зәкірлі инфрақұрылым болады.
Бұған дейін атқарушы билік басшысы Асқар Мамин мұндай жүйені биыл іске қосып, жобалық қуатқа 2024 жылы шығару жоспарланып отырғанын айтқан болатын.
Сурет: akorda.kz
