Еліміздің президенті Қасым-Жомарт Тоқаев Жамбыл облысының әкімі Бердібек Сапарбаевпен кездесті, ол өзі басқаратын өңірдің 2020 жылы дамуы туралы баяндады. Бұл туралы Ақорданың баспасөз қызметі хабарлады.
Сапарбаевтың айтуынша, есепті кезеңде облыс экономикасының өсу көрсеткіші 102,2%-ды, ал оның негізгі капиталына салынған инвестициялар – 344,1 миллиард теңгені құрады.
Сондай-ақ, мемлекет басшысына өңір тұрғындарына көрсетілетін әлеуметтік көмек туралы мәлімет берілді. Облыс әкімінің айтуынша, коронавирус індеті басталғаннан бері 524 мың адамға 44,6 миллиард теңгеге қолдау көрсетілді. Сонымен қатар, Тәуелсіздік күніне орай 8 мың адам 203 миллион теңгебіржолғы қосымша көмек алды.
Кездесу барысында 2020 жылдың ақпан айында жазықсыз адамдардың өліміне себеп болған жаппай тәртіпсіздік орын алған Қордай ауданындағы жағдайға ерекше назар аударылды.
Сапарбаев қазір Қордайдағы жағдай тұрақты екенін айтты. Әкімнің айтуынша, 2020 жылы ауданда білім беру, денсаулық сақтау, мәдениет және спорт, тұрғын үй және жол құрылысы салаларында 392 жоба іске асырылған. Оларға жалпы 35,1 миллиард теңгені бөлінген.
Қасым-Жомарт Тоқаев әкімді тыңдап болғаннан кейін, әлеуметтік-экономикалық аймаққа оң баға беріп, коронавирустың таралуына байланысты жағдайды бақылауды тапсырды.
Сурет: akorda.kz
