Петропавл қалалық соты қала әкімдігінің қызметкеріне қатысты ашылған қылмыстық істі қарады, деп хабарлайды “ҚазАқпарат” жаңалықтар ресурсы.
Петропавл қаласының атқарушы билік органының қаржы бөлімінің коммуналдық меншік және мүліктік жалдау секторының бас маманы туралы сөз болып отыр. Ол осы жылдың сәуір айында пара алды деген күдікпен ұсталған.
Тергеу болжамына сәйкес, қалалық әкімдіктің қызметкері Петропавл қаласының тұрғынына қала периметрі бойынша қойылған блокпостар арқылы кедергісіз жүруге мүмкіндік беретін рұқсат берді. Бұл үшін ол 50 мың теңге көлемінде пара алды.
Тәртіп сақшылары атқарушы билік органының қызметкерін ұстағаннан кейін, ол өз кінәсін мойындады, осыған байланысты сот процесі қысқартылған тәртіпте жүргізілді.
Петропавл қалалық соты әкімдік қызметкерін кінәлі деп таныды.Қылмыскер өз ісіне өкінгенін ескеріп, оған 3 миллион теңге айыппұл салды.
Сондай-ақ, сот шешімімен өмір бойы мемлекеттік қызметте және қаржы саласында жұмыс істеу құқығынан айырылды.
Сурет: pravda.com.ua
