Әлеуметтік желіде Жамбыл облысы Талас ауданына қарасты Қасқабұлақ ауылында тәртіпсіздік орын алып жатқаны туралы ақпарат пайда болды, деп хабарлайды tengrinews.kz жаңалықтар ресурсы.
Желіде таратылған мәліметтерде тәртіпсіздік кезінде атыс қаруы қолданылыпы, ауыл тұрғындары жергілікті мектепте жасырынып жатқаны айтылған.
Бұл жөнінде Жамбыл облысының полиция ведомствосы мәлімет берді. Олар Талас аудандық полиция бөліміне Қасқабұлақта бұзақылық әрекеттері бойынша хабарлама бүгін түскенін мәлімдеді.
Осыдан кейін құқық қорғау органдарының қызметкерлері 14 адамды ұстап, аудандық полиция ведомствосына жеткізді, оларға қатысты бұзақылық жасады деген күдікпен қылмыстық іс ашылды.
Қасқабұлақтағы тәртіпсіздіктер туралы Жамбыл полиция департаментінің өкілдері толық ақпарат берген жоқ, дегенмен ауылдағы жағдай қазір тұрақты деп сендірді.
Сондай-ақ, облыстық полиция ведомствосының қызметкерлері азаматтарды жалған ақпарат таратпауға шақырды, өйткені мұндай әрекеттер үшін Қазақстан Республикасында жауапкершілік көзделген.
Жалған мәліметтерді таратқандарға бір мың айлық есептік көрсеткішке дейінгі мөлшерде айыппұл салу немесе бір жылға бас бостандығын шектеу, немесе сол мерзімге бас бостандығынан айыру жазасы қолданылуы мүмкін.
Сурет: the-village.kz
