Нұр-Сұлтан көшелеріндегі жағдайды мониторингілеу мақсатында құқық қорғау органдарының қызметкерлері патрульдеуге кірісті. Бұл туралы “Қазақпарат” ақпарат агенттігі хабарлайды.
Ішкі істер органдарының қызметкерлері қала тұрғындарынан үйлерінен шығу себебін сұрап анықтауға құқылы.
Сонымен қатар, полицейлер тұрғындардың азық-түлік пен дәрі-дәрмек сатып алу үшін далаға шыққанына көз жеткізу үшін оларды бақылай алады.
Бұған дейін Қазақстанда төтенше жағдай режимін қамтамасыз етуге жауап беретін мемлекеттік комиссия Нұр-Сұлтан, Алматы және Шымкент қалаларында қосымша шектеу шараларын енгізу туралы шешім қабылдады.
Сондықтан қазір еліміздің елордасында азық-түлік тауарлары мен дәрі-дәрмектерді сатып алудан басқа, азаматтардың көшеде жүруіне шектеу қою басталды.
Сонымен қатар, 30 наурыздан бастап 5 сәуірге дейін Нұр-Сұлтан қаласында қоғамдық көлік жұмысы тоқтатылады. Осы кезеңде тек полицейлер, дәрігерлер мен коммуналдық қызмет қызметкерлері ғана жұмысқа шығады.
