Түркістанның егде жастағы адамдары спартакиадаға қатысты, деп хабарлайды 24.kz ақпарат агенттігі.
Жарыс спорттың бірнеше түрінен өтті: шахмат, бильярд және үстел теннисі. Бұл іс-шара алдағы Жеңіс күніне орайластырылды. Спартакиаданың бұл түрі жыл сайын өткізіледі. Ұйымдастырушылардың айтуынша, жыл сайын қатысуға ниет білдірушілер саны артып келеді.
Спартакиада төрешісі Абдуғай Бекжанов: “Мен көп жыл бойы бильярд ойнаймын. 70 жастан асқан спортшылар арасында 6 дүркін республика чемпионымын. Бүгінгі бильярд турниріне 14 адам қатысады, барлық ойыншылар мықты. Жарыс қызықты болады деп ойлаймын”.
