Бөгеттің жотасы арқылы судың тасу деңгейі тәулігіне 31 сантиметрге артты. Тайынша ауданының орталығын су басу қаупі бар, деп хабарлайды Sputnik.kz.
Брифингте облыстық төтенше жағдайлар департаментінің бастығы Рамиль Камалов Солтүстік Қазақстан облысындағы Сергеев су қоймасы бөгетінің жотасы арқылы судың тасуы тәулігіне 31 сантиметрге ұлғайды деп хабарлады.
«Бірнеше күн бойы Чаглинка өзенінің бойындағы Чаглинка су қоймасынан судың мөлшерден тыс ағуы байқалды және 3 сәуірден бастап суқұбырлар мен Бірлік-Заречное жолдарын су басып кетті. Кеше Чаглинка өзеніндегі жағдайтіпті де қиындап кетті, су одан да көп құйылды – Копа көлінен су келіп, мұз бөгеті пайда болды, сәуірдің 4-і күні Тайынша қаласының орталығында өзен жағалауларынан келген үлкен «көл» пайда болды. Мұнда үш ауланы су басты. Ақжар ауданындағы инженерлік аппараттар мен құтқару қондырғылары, мотор сораптары мен өрт сөндіргіштері жедел түрде шақырылды », – деді Камалов.
Оның мәліметінше, қазір өңірде Айыртау және Ғ. Мүсірепов аудандарындғы шағын өзендерде судың көтерілуі байқалады. Кеше су қоймасында су құйылу деңгейі 16 сантиметрді көрсетті.
“Су толқыны Тайыншадан өтті, бірақ судың қелуі тоқтаған жоқ. Одан әрі Чаглинка өзенінің арнасындағы Теңдік және Кантемировское елді мекендерін бақылауға алдық. Мұнда құтқарушы күштер тұр. Олар мұз кептелісі мен қысылуын болдырмау үшін мұзды жаруда”, – деп түсіндірді Рамиль Камалов.
31 наурыз күні қар суының үлкен ағысы топырақты шайып, электр беру желілерінің бағаналары опырылып қалды. Сол себепті бұл аудандағы Береке ауылы бес тәулік бойы электр қуатынсыз қалды
Сурет: pkzsk.info
