Қалалық әкімдік отырысында халықты көмірмен қамтамасыз ету талқыланды. қала басшысы Жақсылық Омар бұл мәселені 2019 жылы қалай шешуге болада деген ой-пікірлерімен бөлісті, деп хабарлайды YK-news.kz.
Қалалықтарды қара отынмен қамтамасыз ететін екі мәселе бар – ол жеткізілетін көмірдің уақтылығы мен сапасы.
Өткен жылыту маусымында пештік энергоресурстың негізгі көзі “Қаражыра ЛТД” компаниясы болды. Бірақ әкімнің айтуынша, жеткізілетін ол өнімнің сапасына бірнеше шағымдар болды.
“Жылу электр орталықтары мен ірі қазандықтарды пайдаланатын көмір үй пештеріне әрдайым сәйкес келмейді. Мен ынтымақтастыққа басқа жеткізушілерді шақыру керек деп ойлаймын”,-деді ол.
Омар өз қарамағындағыларды Қарағанды мен Екібастұз көмір өндіру кәсіпорындарымен, сондай-ақ Майкөбе кенішінің басшылығымен ынтымақтастық туралы меморандумдар жасау туралы келіссөздер жүргізуге шақырды.
Сонымен қатар, ол қара отын қоры жиналатын тұйықтардың жағдайын тексеруге және олардың иелерімен кездесу ұйымдастыруға тапсырма берді.
“Адамдар бұл салада мафияның пайда болғанына шағымданады. Кезек үлкен, ал жүргізушілер көмірді белгіленген бағамен сатып алып, одан кейін жоғары бағамен сатады. Ардагерлер бұл туралы үнемі айтады”, – деді әкім.
Іс-шараның қорытындысы бойынша әкім тамыз айына қарай отын қорын құруды, проблемасыз жеткізуді ұйымдастыруды, сондай-ақ көмірді әлеуметтік бағамен алатын отбасылардың санын нақтылауды тапсырды.
