Шымкент қаласының кардиологиялық орталығы iberhospitex S. A. испан компаниясымен өзара тиімді ынтымақтастық туралы меморандумға қол қойды.Бұл біздің мамандарға әлемнің үздік докторлардан білім алуға мүмкіндік береді
Компанияның даму жөніндегі директоры Юлия Прусачук меморандумға сәйкес тараптар технологиялар, оқыту, дамыту және зерттеу саласында ынтымақтасатынын хабарлады.
“Біздің компания ерекше, біз тек өндіруші ғана емеспіз. Біз әзірлеушілер, технологтармыз және біз алға ұмтылғымыз келеді. Біз Қазақстанда испандық-қазақстандық компания құрдық және Біз мұнда екі күнге ғана келген жоқпыз. Біздің ұзақ мерзімді жоспарымыз бар”, – деді ол.
Өз кезегінде кардиологиялық орталықтың басшысы Ермағамбет Қуатбаев бұл меморандум орталық қызметкерлеріне халықаралық зерттеулерге қатысуға мүмкіндік беретінін айтты.
“Меморандумның ерекшелігі – қазіргі құрылған испандық-қазақстандық компания бір жылдан кейін “Қазақстанда өндірілген” лейблімен өнім шығаруды жоспарлап отыр және бұл өнім жүректің коронарлық ауруы бар пациенттерді емдеу үшін кардиологиялық орталықтарда белсенді қолданылатын болады. Менің ойымша, осы бағыттың бастауында тұрып, біз орталығымызды әлемдік аренаға таныстыра аламыз”, – деді Ермағамбет Қуатбаев.
