Қазақстан Білім министрінің орынбасары Бибігүл Асылова бүгінгі таңда Сириядан 506 бала оралғанын мәлімдеді. Оларға ҚР Білім министрлігі тарапынан көмек көрсетіледі.
Оның айтуынша, Қазақстан аумағында кәмелеттік жасқа толмағандар үшін 15 әлеуметтік-психологиялық құқықтық қолдау орталығы жұмыс істейді.
«Орталықтарда тәуліктік стационарда 4 ана, 14 бала, ал қалғандары күндізгі стационарда. Егер олардың немен айналысатыны туралы айтатын болсақ, онда 254 бала мектепке дейінгі тәрбиемен қамтылған, мектепке дейінгі балалар ұйымдарына анықталған. Мектепке 153 бала барады. 33 жетім балалар бар,олар жетім балалар тәрбиеленетін мекемелерде «,-деді ол.
Бибігүл Асылова қазіргі уақытта ҚР Білім және ғылым министрлігі Сириядан келген балаларды одан әрі қолдау бойынша жоспар әзірлеуде деп мәлімдеді.
«Біз оларға оларға көмектесеміз. Бұл іс-шаралар кешені ғылыми қамтамасыз етуден басталады, яғни біз балалардың осындай санаты үшін амал-тәсілдер әзірлейтін ғылыми қауымдастықты жинауымыз керек. Біз қазірдің өзінде жобаны дайындадық, тиісті органдармен келіскіміз келеді. Тұрақты негізде жұмыс істейміз», – деді Асылова.
