Қытайдың этникалық қазақтары Қастер Мұсаханұлы мен Мұрагер Әлімұлының мүддесін қорғаған адвокат Абдула Бақберген қорғаушылары біздің республикамызда уақытша босқын мәртебесін алғанын айтты.
Мұсаханұлы мен Әлімұлы өткен жылы Шыңжаңнан Қазақстанға қашып келген. Біздің елге келгеннен кейін, олар Алматыда адам құқықтары мен заңдылықты сақтау жөніндегі Қазақстандық халықаралық бюрода баспасөз конференциясын өткізді.
Брифинг барысында олар Пекиннің барлық ұйғырлар мен қазақтарға қатысты жасаған тұрақты қудалауының салдарынан Аспан асты елінен қашуға тура келгегін мәлімдеді.
Осыдан кейін этникалық қазақтарды қазақстандық құқық қорғау органдары ұстады. Олардың мемлекеттік шекараны заңсыз кесіп өткен белгілі болды. Осы жылдың қаңтарында осы әрекеттері үшін олар бір жылға бас бостандығынан айырылды. Оларды ешкім Аспан асты еліне қайтарған жоқ.
Сегіз айдан астам қамауда болғаннан кейін, Мұсаханұлы мен Әлімұлы бостандыққа шықты. Енді олар уақытша босқын мәртебесін алды, бұл мәртебе оларға бір жыл мерзімге берілді. Олар біздің мемлекетімізден пана тапқан алғашқы этникалық қазақтар.
