Ресейдің Уфа қаласында Шанхай Ынтымақтастық Ұйымы мен БРИКС елдері аймақтарының шағын және орта бизнес халықаралық форумы өтуде.
Ресей Президентінің ШЫҰ істері жөніндегі арнайы өкілі Бахтияр Хакимов форумда сөйлеген сөзінде ШЫҰ көпжақты сауда-экономикалық ынтымақтастық бағдарламасының жаңа редакциясының жобасын келісу туралы хабарлады.
«ШЫҰ қызметінің басты векторларының бірі — экономика. Бүгін Ташкентте сыртқы экономикалық және сыртқы сауда қызметіне жауап беретін ШЫҰ елдері министрлерінің кезекті 18-ші кеңесі өтуде. Аға лауазымды тұлғалардан тұратын комиссиясының кездесуі қарсаңында,шағын және орта бизнестің дамуына айтарлықтай көңіл бөлетін, ШЫҰ көпжақты сауда-экономикалық ынтымақтастық бағдарламасының жаңа редакциясының жобасы келісілді,-деді Хакимов.
ШЫҰ-ға мен БРИКС елдері форумына қатысушылар шағын және орта бизнесті қолдауға қатысты өзекті мәселелер бойынша пікір алмасады.
Сондай-ақ, іс-шара барысында жастар кәсіпкерлігі және жаңа сандық технологияларды енгізудің өзекті мәселелерін талқылау жоспарлануда. Делегаттар ШЫҰ мен БРИКС елдерінің шағын және орта бизнес кәсіпорындарының табысты жобаларымен танысады.
