Шанхай Ынтымақтастық Ұйымына мүше мемлекеттер премьер-министрлерінің отырысы алғаш рет Үндістанда өтеді. Отырыс биылғы жылдың күзіне жоспарланған. Бұл туралы ШЫҰ Бас хатшысы Владимир Норов Үндістан астанасында өтіп жатқан «Райсина диалогы» халықаралық конференциясы аясында мәлімдеді.
«Биылғы жылы Үндістан ШЫҰ – ның маңыздылығы жағынан екінші органы — үкімет басшыларының кеңесіне төрағалық етеді, оның келесі отырысы Үндістанда күзде өтеді», — деп Норов хабарлады.
Ол үкімет басшыларының кездесулерінен басқа, ШЫҰ министрлері мен сарапшыларының отырыстары өткізілетінін мәлімдеді. Үндістанда алғаш рет экономикалық мәселелер бойынша талдау орталықтары Консорциумының отырысы өтеді.
«Консорциум сауда-экономикалық және инвестициялық ынтымақтастықты нығайту үшін ұсыныстар әзірлеу бойынша ұйым елдерінің ғылыми-зерттеу мекемелерінің күш — жігерін біріктіруге бағытталған», — деп атап өтті Норов.
Сурет: inform.kz
