Қазақстан Парламенті жоғарғы палатасының депутаты Мұхтар Құл-Мұхаммед еліміздегі қашықтықтан оқыту форматына қатысты пікір білдірді, деп хабарлайды tengrinews.kz ақпарат ресурсы.
Бүгінгі таңда біздің оқушыларымыздың басым бөлігі қашықтықтан білім алуға мәжбүр. Мұның себебі — коронавирустық инфекция індеті.
Осы форматта оқу үшін біздің республикада мынадай білім беру платформалары пайдаланылады: Bilimland.kz, Daryn.online және Kundelik.kz. Алайда, сенатордың айтуынша, олардың барлығына ортақ кемшілік бар, ол — жұмыс жылдамдығының төмендігі.
Осыған байланысты адамдарда шетелдік платформаларды пайдаланудан басқа амалдары жоқ. Бірақ онда да бәрі жатық емес. Парламент мүшесі азаматтар шетелдік ресурстарды пайдаланып, интернет-трафик үшін артық төлеуге мәжбүр екенін, өйткені кейбір ұялы байланыс операторлары отандық білім беру платформаларына ғана шексіз қол жетімділікті қамтамасыз ететінін атап өтті.
Осының негізінде Мұхтар Құл-Мұхаммед қазақстандық оқушыларды, тегін орта білім алуға конституциялық құқықтары шеңберінде, интернетпен тегін қамтамасыз етуді талап етті.
Ол сондай-ақ, біздің республикада бейне байланыс платформаларының отандық аналогтарын дереу құру қажет екенін айтты.
Сурет: vogazeta.ru
