Парламент жоғарғы палатасының депутаты Ольга Булавкина республикамыздың басшылығы ауылдардың әлеуетін ашу үшін шаралар қабылдауы қажет деп санайды. Бұл туралы «ҚазАқпарат» жаңалықтар ресурсы хабарлайды.
Сенатор ауыл тұрғындарының өмір сүру деңгейі жақсартуды қалайтынын айтты. Оның себебі мынада. Экономикалық келешегі жоқ ауылдарда тұратын адамдардың денсаулық сақтау және білім беру саласында мемлекеттік қызметтерді уақтылы алу мүмкіндігі жоқ, бұл денсаулықтың нашарлауына және ауыр әлеуметтік-психологиялық ахуалға әкеледі.
Ауыл тұрғындарының басты проблемаларының бірі тұрғын үйге қол жетімсіздігі болып табылады. Булавкина ауылдарда тұрақты және жоғары табыс алу үшін жағдайлар жасалмаған, сондықтан онда тұратын азаматтардың тұрғын үй сатып алу үшін қаржылық мүмкіндіктері жоқ екенін түсіндірді.
Сонымен қатар, ауылдарда халықтың, атап айтқанда жастардың кетуі, сондай-ақ жергілікті жерлерде білікті мамандардың жетіспеушілігі байқалады.
Осыған байланысты Ольга Булавкина атқарушы билік басшысы Асқар Маминге депутаттық сауал жолдап, қазақстандық ауылдардың әлеуетін ашуға назар аударуды сұрады.
Парламент мүшесі ауылдардың әлеуетін толық ашу мәселесі 1,5 миллион ауыл тұрғындары үшін стратегиялық маңызды екенін айтты.
Сурет: factum.kz
