Біздің республикамызға белгілі саясаттанушы, «Еуразия әлемі» қоғамдық қорының жетекшісі Эдуард Полетаев Ресей Федерациясы билігі Қазақстанға дәрігерлерді жіберу себебі туралы өз пікірін білдірді, деп хабарлайды stanradar.com жаңалықтар ресурсы.
Сарапшының айтуынша, ресейлік мамандардың келу себептерінің бірі — Қазақстан мен Ресей арасындағы әріптестік қарым-қатынас, олардың ұстанымдары берік достық пен өзара түсіністікке негізделген.
«Ресей Қазақстанға алғашқылардың бірі болып көмекке келді. Дәл осындай қиын жағдайда мызғымас достық байқалады», — деді Эдуард Полетаев.
Сондай-ақ, қоғамдық қор басшысы Ресейдің гуманитарлық көмегі туралы әлеуметтік желілерде кездесетін кейбір азаматтардың мәлімдемесіне түсініктеме берді.
«Мұндай адамдар бар, бірақ олардың пікірі қазақстандық қоғамның көпшілігінің көңіл-күйін көрсетпейді. Бірақ, қалай болса да, факт факт болып қалады. Ресейден гуманитарлық жеткізілімдер үлкен мөлшерде жіберілді және ресейлік дәрігерлердің келуі жедел ұйымдастырылды», — деді саясаттанушы.
Коронавирус індетімен күресудің қиын кезеңінде Қазақстан азаматтары бауырлас елдің басшылығынан ғана емес, оның қоғамдық ұйымдарынан да гуманитарлық көмек алды.
Сурет: stanradar.com
