“Ренессанс Капитал” талдау агенттігінің Ресей және Тәуелсіз Мемлекеттер Достастығы бойынша экономисі Софья Донец коронавирус инфекциясы салдарынан туындаған дағдарыстың Қазақстан экономикасына әсері туралы өз пікірін білдірді, деп хабарлайды trend.az ақпараттық ресурсы.
Ол біздің республикамыз, Орталық Азияның басқа елдері сияқты, індеттен туындаған дағдарыстың айтарлықтай зардабын сезінгенін айтты. Алайда, сарапшының пікірінше, биыл Қазақстан экономикасы айтарлықтай төмендемейді.
Сонымен қатар, Софья Донец Қазақстанда, көршілес елі Өзбекстандағыдай, коронавирустың қайта өршуіне тап болғанын, осыған байланысты карантиндік шараларды қайта қолдану қажет болғанын атап өтті.
“Алайда, қазіргі уақытта біз індеттің үдемелі кезі шектеулердің тиімділігі арқасында ғана емес, сонымен бірге аурудың табиғи шегіне жеткенін ескере отырып, жағдайдың тұрақтануын байқаудамыз”, – деді экономист.
Донец өзінің талдау агенттігіндегі әріптестерімен бірге осы жылдың соңына дейін Қазақстан Республикасында экономикалық белсенділік біртіндеп қалпына келеді деп ойлайтындарын баса айтты.
