Азаматтық авиация комитетінің баспасөз қызметі 9 маусым сайлау күні, Нұр-сұлтан және Алматы қалалары үстіндегі әуе кеңістігін пайдалануға уақытша шектеулер енгізілгені туралы хабарлады.
Бұл шектеулер 500 метрге дейін, сағат 04:00-ден 24:00-ге дейін болады. Яғни, олар БПЛҒА есептелген.
“Аталған кезеңде осы елді мекендер үстінен ұшуға рұқсат берілмейді”, – деп хабарлады ААК-дан.
Комитетте бұл шектеулер Нұр-сұлтан және Алматы әуежайларының жұмысына және әуе рейстерінің кестесіне еш әсер етпейтінін атап өтті.
Сондай – ақ, Ұшуларды шектеу аймағында рұқсат етілмеген ұшу (ұшқышсыз ұшу аппаратын қоса алғанда) аппаратты пайдаланатын тұлғаға 10 АЕК, лауазымды тұлғаларға 20 АЕК көлемінде әкімшілік айыппұл салуға әкеп соғады.
