Cолтүстік Қазақстан облысында пара алуды болдырмау үшін интернет-банкинг арқылы мектептерге ақшалай қайырымдылық көмек көрсету ұсынылуда, деп хабарлайды “ҚазАқпарат” халықаралық ақпарат агенттігінің тілшісі.
Мемлекеттік қызмет істері және сыбайлас жемқорлыққа қарсы іс-қимыл департаментінің баспасөз қызметінің хабарлауынша, “Қызылжар – адалық аланы” жобалау кеңсесінің отырысында білім басқармасының банкпен “Мектептерге қайырымдылық көмек”электрондық қосымшасын ашу жұмысы туралы айтылды. Бұл ата-аналардан заңсыз ақша жинау жағдайларын болдырмау үшін жасалады.
Жеке тұлғалар үйден шықпай, мектептерге қолма-қол ақшасыз көмек көрсету мүмкіндігіне ие болады. Ақша автоматты түрде мектептерге қайырымдылық көмектің есеп шотына аударылады.
Сурет: liter.kz
