Байқоңырда коронавирусқа қатысты эпидемиологиялық жағдай жақсарды. Бұл туралы «Роскосмостың» Қазақстандағы өкілі Анатолий Красников брифинг барысында мәлімдеді.
Красников қазіргі уақытта Байқоңырда Ресейден жіберілген қосымша медициналық персонал жұмыс істейтінін, сондай-ақ гуманитарлық жүктер жеткізілгенін еске салды, бұл осы қаладағы коронавирус жағдайына оң әсер етті.
Оның айтуынша, Роскосмос пен федералды медициналық-биологиялық агенттіктің басшылары уақытында бағдар алды. Атап айтқанда, қалаға көмек көрсету мақсатында дәрігерлер бригадаларын, сондай-ақ тестілеу жүйелері, ӨЖЖ аппараттары және медициналық дәрі-дәрмектері бар қосымша жүктерді жіберу туралы шешім қабылданды.
Өткен айдың ортасында Байқоңырда коронавируспен ауыратын науқастың қайтыс болуының алғашқы жағдайы туралы хабарланды. Мамыр айының соңында COVID-19-мен күресуге енгізілген шектеулер сол жерде жартылай алынып тасталды. Бірақ маусым айының соңында қала әкімшілігі аурудың жаңа өршуі болғанын хабарлады. Сонда вирус жұқтырғандардың саны 90 болды.
27 маусымда Байқоңырда қосымша шектеулер енгізілді, ал 10 шілдеде оған 2-ші медициналық топ келді, оның құрамына Федералды медициналық-биологиялық агенттіктің мамандары кірді. Сондай-ақ ӨЖЖ аппараттары мен басқа да медициналық жабдықтар жеткізілді.
Сурет: inbusiness.kz
