“Роскосмос” мемлекеттік корпорациясы Қазақстан мамандарына Байқоңыр ұшыру алаңдарының бірінің жабдықтарының бір бөлігін беруге шешім қабылдады, деп хабарлайды vestikavkaza.ru жаңалықтар ресурсы.
Жерүсті ғарыш инфрақұрылымы нысандарын пайдалану орталығы өкілдерінің айтуынша, Қазақстанға №110 ұшыру алаңының жер үсті кабель-арналары берілетін болады.
Орталықта осы ұсыныс біздің мемлекетіміздің өкілдеріне жіберілгенін айтты.
Бастапқыда №110 ұшыру алаңы кеңестік Н-1 ай зымыранын ғарышқа жіберу үшін пайдаланылды.
Алаң қайта жөнделгеннен кейін, “Буран” ғарыш кемесін орбитаға шығару үшін аса ауыр “Энергия” зымыраны ұшырылды.
Сонымен қатар, қазір Байқоңыр аумағында Халықаралық ғарыш станциясына “Наука” деп аталатын ресейлік ғылыми модульді ұшыруға дайындық жүріп жатыр.
Ұшыру 2021 жылдың сәуір айына жоспарланған. Агрегатты ғарышқа “Протон-М” ауыр зымыран тасығышында шығару жоспарланды. Одан кейін модуль ХҒС ресейлік сегментінің құрамына енгізіледі.
Сурет: rbc.ru
