Қарағанды облысында Ұлы Отан соғысы ардагерлері мен зейнеткерлердің әлеуметтік картасы әзірленді. Бұл туралы облыс әкімі Жеңіс Қасымбектің төрағалығымен онлайн-режимде өткен жастар кеңесінің отырысында айтылды, деп хабарлайды «ҚазАқпарат» ақпарат ресурсы.
Жаңа карта туралы Қарағанды облысының жастар саясаты мәселелері басқармасының бастығы Нұржан Жетпісбаев толығырақ айтты.
Мемлекеттік қызметкердің айтуынша, әлеуметтік картаның арқасында өңірде тұратын ардагерлер мен зейнеткерлер жедел түрде барлық қажетті көмекті алатын болады. Ол бұл жұмысқа 3 мың ерікті жұмылдырылатынын, олар қарт адамдарға әрдайым көмектесуге дайын екенін айтты.
Жетпісбаев өз сөзінде бүгінгі таңда Қарағанды облысында 57 Ұлы Отан соғысының ардагері, 8 мыңнан астам тыл еңбеккерлері және 206 мың зейнеткер тұрып жатқанын айтты.
Кеңес соңында аймақ басшысы қайырымдылық акцияларына белсенді қатысқан және коронавирустық індет кезінде мұқтаж адамдарға қолдау көрсеткен барлық азаматтарға алғысын білдірді.
Сурет: basnews.kz
