Мәскеуде Құрманғазы атындағы оркестрдің 17 жыл ішінде алғашқы концерті «Геликон-Опера»театрының сахнасында өтті. Билеттерді толық сатып алған Ресей аудиториясы әлемге әйгілі ұжымның гастрольін ерекше ықыласпен қарсы алды, деп хабарлайды 24.kz.
Мамыр айындағы мереке күндері қазақстандық музыканттар қазақ, орыс және шетел композиторларының шығармаларынан тұратын бағдарламасын сый ретінде ұсынды.
Оркестрдің бас дирижері Абылай Тілепберген: «Біздің оркестр әлемдік шығармаларды орындаудың ерекшелігі — Ресей халқы үшін және оркестрді алғаш рет көретіндер үшін мүлдем жаңа түсінік, басқа дыбыс беретіндігінде. Біздің оркестрдің тағы бір ерекшелігі — бай репертуарында. Біздің 4 000-нан астам партитурамыз бар».
Мәскеу аудиториясы қазіргі қазақ музыка мәдениетімен танысып, шаттанып қалды.
