ҚХА жанындағы «Жарасым» республикалық жастар ұйымы Алматы филиалының басшысы Дилярам Әбдімитова еліміздің жастарын Nur Otan партиясының праймеризіне қатысуға шақырды. Бұл туралы caravan.kz жазады.
Қазақстан халқы ассамблеясының мүшелері мен белсенділерінің zoom-конференциясы барысында Әбдімитова Мәжіліс пен мәслихаттарға сайлау үшін партиялық тізімдерде 35 жасқа дейінгі адамдардың кемінде 20% болуы қажеттігін мәлімдеді.
«Қазақстандық жастарға берілген мүмкіндікті барынша пайдалану қажет. Елімізде біз үшін шексіз жағдайлар жасалуда», — деді Алматы филиалының басшысы.
Онлайн-конференцияға Нұр-сұлтан қаласының түрік этномәдени орталығының басшысы Әскер Пириев, саяси ғылымдарының докторы Наталья Калашникова, Қазақстан халқы Ассамблеясы төрағасының орынбасары Шерзод Пулатов, Қарағанды облыстық мәслихатының депутаты Бекзат Алтынбеков және басқалар қатысты.
Сурет: 24.kz
