Ресейдің Новосібір қаласында мемлекеттік техникалық университетінде “Спорт. Шығармашылық. Интеллект ” Халықаралық фестиваліне Павлодардан оқушылар қатысты. Бұл туралы “Хабар24” ақпарат агенттігі жазады.
Фестиваль ұйымдастырушыларының ақпараты бойынша, Новосібір облысы, Алтай өлкесі мен Хакасиядан келген мектеп оқушылары, студенттер мен балабақша тәрбиешілері қатысты.
Халықаралық фестивальда Павлодардың №35 мектеп оқушыларының командасы “Шармашылық жоба” санатында “Үздік жоба” номинациясы бойынша қатысты.
Оқушылар “Автомобиль дөңгелектерін өндіру” жобасын ұсынды. Атап айтқанда, оқушылар роботтардың көмегімен ескі қалдықтардан жасалған жаңа металл дискілер жасап, кейін оларға дөңгелектер кигізді.
Осы жоба туралы айта келе, Павлодар Білім беру бөлімінің маманы Балжан Әділханова металл дискілер дайындайтын автоматтандырылған роботтар күн мен жел арқылы өздері электр энергиясын өндіретін өндірістік роботтардың арқасында іске қосылатынын атап өтті.
Фестиваль соңында Павлодар оқушылары командасы “Үздік жоба” номинациясы бойынша бірінші орынға ие болды.Новосібір қалалық әкімшілігінің дипломын және келесі жылы осындай шараға қатысуға шақыру алды.
Сурет: 24.kz
