Өңірлік мәселелер институтының бас директоры Дмитрий Журавлев 10 шілдеде онлайн-режимде өткен министрлер кабинетінің кеңейтілген отырысында Қазақстан басшысы Қасым-Жомарт Тоқаевтың сөйлеген сөзіне түсініктеме берді, деп хабарлайды «Қазақпарат» ақпарат ресурсы.
Ресейлік сарапшының пікірінше, мемлекет басшысы ұсынған шаралар барлық билік органдарының жұмысын жандандыруға, сондай-ақ республиканың медициналық мекемелерінде тәртіп орнатуға бағытталған.
Дмитрий Журавлев індеттің таралуы жағдайында Қазақстанға көрсетілген қолдау туралы айтты. Оның пікірінше, халықаралық көмек қазақстандық медицинаның дамуына қосымша серпін береді.
«Бұл жерде инфекцияның таралуына тез қарсы тұру қабілеті маңызды. Міндет өте қиын болса да, жүйе оны шешуге қабілетті. Бұған дейін өз сөзінде Тоқаев еңсені түсірмеуге, бірлік танытуға шақырды. Болған жағдай адамдарды біріктіруге мәжбүр етті деп сеніммен айтуға болады. Бұл тек ел ішінде ғана емес, ЕАЭО елдері бір-біріне көмек көрсетуге дайын екендігін дәлелдейді», — деді сарапшы.
Біздің республикамызда COVID-19 жұқтырудың 56455 жағдайы ресми түрде тіркелді, олардың ең көп саны Атырау облысында, атап айтқанда 7393 оқиға анықталды. Ал коронавирустан емделген адамдар саны 32500.
