Ресей басшысы Владимир Путин Ресей тарапы ЕАЭО елдерімен, соның ішінде Қазақстанмен, коронавирус инфекциясына вакцина жасау тәжірибесімен бөлісетінін мәлімдеді. Бұл туралы regnum.ru ақпарат агенттігі жазады.
Сөз клиникалық зерттеулері ағымдағы жылдың маусым айында басталатын препарат туралы болып отыр. Бұл “Вектор” вирусология және биотехнология ғылыми орталығының базасында өтеді.
Бұл вакцинаны зерттеуге 60 ерікті, соның ішінде дәріні жасаушылар қатысады деп жоспарлануда.
Ресей президентінің айтуынша, Ресей Федерациясы мамандарының жұмысы жақын арада ЕАЭО бойынша әріптестеріне жіберіледі.
Бұған дейін Владимир Путин коронавирустық инфекцияны жеңу үшін ерекше шаралар қажет деп айтқан болатын. Ресей президентінің пікірінше, індетке қарсы тұру үшін халықаралық қауымдастық бірігіп күш салу қажет.
Сурет: gazeta.ru
