Еліміздің президенті Қасым-Жомарт Тоқаевтың Жарлығымен Ресей Федерациясының елшісі Алексей Бородавкин II дәрежелі «Достық» орденімен марапатталды. Бұл туралы Қазақстандағы ресейлік дипломатиялық өкілдіктің баспасөз қызметі хабарлады.
Тоқаевтың Жарлығында Бородавкиннің Қазақстан-Ресей одақтастық қатынастарын дамытуға қосқан елеулі үлесі үшін біздің республикамыздың мемлекеттік наградасына ие болғаны айтылған.
Ресейлік дипломат Қазақстан басшылығына алғыс айтып, артылған сенімді ақтауға тырысатынын мәлімдеді.
«Мен бұл орденді менің Ресей-Қазақстан одақтастық қатынастары мен интеграциялық байланыстарын дамыту жолындағы қызметіме ғана емес, сондай-ақ Қазақстан бағытында еңбек етіп жатқан барлық ресейлік дипломаттарға жоғары баға деп қабылдаймын», – деп атап өтті Бородавкин.
Сонымен бірге, ол бауырлас екі мемлекет арасындағы ынтымақтастықтың одан әрі дамуы және барлық бағыттарды жетілдірілуі үшін бар күш-жігерін салатынына уәде берді.
«Достық» орденімен қоғамдағы өзара келісімді сақтауға, халықтар арасындағы бейбітшілікті, достық пен ынтымақтастықты нығайтуға зор үлес қосқан азаматтар марапатталатыны белгілі.
Сурет: ria56.ru
