Еліміздің бас мемлекеттік санитарлық дәрігері Жандарбек Бекшин Қазақстанда қызылша індетін жариялауға негіз жоқ деп мәлімдеді.
Дәрігерлердің айтуынша, Қазақстанда сырқаттанудың ең жоғары деңгейі — 2005 жылы 16 мың адам тіркелген. Соңғы асқыну 2015 жылы болды, сол кезде Қазақстанның 1,5 мыңнан астам тұрғыны ауырды. 2018 жылы 1400 жағдай болды. Қызылша ауруына тап болған адамдардың басым бөлігі Астана, Шымкент, Алматы, Ақмола және Түркістан облыстарында байқалады. Батыс Қазақстанда бірде-бір оқиға тіркелген жоқ
«Қазір қызылшаның өршуі өте маңызды инфекция емес, біз оны симптоматикалық емдейміз. Ең бастысы, уақытында дәрігерге бару керек. Аурушаңдық жіті респираторлық аурулардың өршуімен сәйкес келуіне байланысты жағдай ушығады. Қызылшаның белгілері тұмауға ұқсас: температураның жоғарылауы, әлсіздік, ұйқышылдық, конъюнктивит. Ауыз қуысында ақ дақтардың пайда болуы, температура 38,39 градусқа көтерілуі қыс мезгілімен байланысты», — деді Жандарбек Бекшин.
Қазақстанның бас санитарлық дәрігері болашақ аналарды дер кезінде вакцина алуға шақырды.
«Келесі жылы жүктілікті жоспарлап отырған қыздар өз баласының денсаулығы туралы ойлануы керек. Қазақстанда қызылшаны вакциналау мүлдем тегін екенін атап өткім келеді», — деді Жандарбек Бекшин
Сулет: bnews.kz
