Қазақстан Президенті Қасым-Жомарт Тоқаев Аккорданың ресми сайтында виртуалды қабылдау ашылғанын, онда Қазақстан азаматтары президентке сұрақ қойып, оларға жауап ала алатынын айтты. Бұл туралы Қазақстан президентінің баспасөз қызметі хабарлады.
“Құрметті оқырмандар! Менің парақшамда жазылушылар мыңдаған пікірлер мен сұрақтар қалдырады. Жүйелі негіздегі жұмысты талап ететін күрделі мәселелер жиі көтеріледі. Жазушылардың әрқайсысы өтінішінің ескерілетініне сенеді. Алайда, сіздер әлеуметтік желі арқылы барлық сұраныстарға жауап беру мүмкін емес екенін жақсы түсінесіз деп ойлаймын. Жұртшылықпен өзара іс-қимылды жақсарту және сайтта азаматтардың сұрауларын елеп,жауап беру мақсатында www.akorda.kz менің виртуалды қабылдауым ашылды”, – деді Тоқаев.
Мемлекет басшысы қазақстандықтардан келіп түскен хаттарды өңдеуге оның әкімшілігінің қызметкерлері көмектесетінін атап өтті.
“Осы жерге келіп түскен әрбір хат ресми түрде тіркеліп, менің жеке өзім және әкімшілік қызметкерлері тарапынан қаралады. Виртуалды қабылдау әрбір азаматқа сұраныстар жолдап,оған заңды күші бар жауап алуға мүмкіндік береді”, – деп қорытындылады Қасым-Жомарт Тоқаев.
Сурет: Inform.kz
