Мемлекет басшысы”Қазақстан Республикасының Үкіметі мен Беларусь Республикасының Үкіметі арасындағы Өнеркәсіптің қорғаныс салалары ұйымдарының өндірістік және ғылыми-техникалық кооперациясы туралы келісімді ратификациялау туралы” Заңға қол қойды. Бұл туралы ҚР Президентінің баспасөз қызметі хабарлады.
Осы Келісімге сәйкес қорғаныс өнеркәсібі ұйымдарының бірлескен экономикалық, өндірістік және ғылыми-техникалық кооперациясын дамыту үшін қолайлы жағдайлар қамтамасыз етілетін болады.
Кооперация шеңберінде жеткізілетін өнімдер мен әскери-техникалық маңызы бар қызметтерді квоталаудан және лицензиялаудан босатылады.
Қорғаныс және аэроғарыш өнеркәсібі Вице-министрі Аманияз Ержанов келісімге қол қою туралы түсініктеме берді, ол экспорттық-импорттық операциялар кезінде туындайтын негізгі әкімшілік кедергілерді жоюға мүмкіндік беретінін атап өтті.
Әкелінетін әскери өнімдерден лицензиялауды алып тастау оны жеткізу мерзімін едәуір қысқартады.
Ержанов сондай-ақ бұл өнім тікелей кері экспортқа және контрагент елінің келісімінсіз үшінші тұлғаларға беруге жатпайды деп атап өтті.
Сондай-ақ, ол азаматтық кәсіпорындар қорғаныс кәсіпорындарын әскери техниканы өндіру және жөндеу үшін қажетті толықтырушы және басқа да материалдармен қамтамасыз етуге қатыса алатынын хабарлады.
Сурет: freesmi.by
