Қазақстан Республикасының басшысы Қасым-Жомарт Тоқаев ақпараттық кеңістікте жұмысты күшейту жөнінде шаралар қабылдау қажеттігін мәлімдеді. Бұл туралы Ақорданың баспасөз қызметі хабарлады.
Мұндай мәлімдемені Қасым-Жомарт Тоқаев құқық қорғау органдары өкілдерінің қатысуымен өткен, ақпараттық қауіпсіздік мәселелері талқыланған, кеңесте жария етті.
Кездесу барысында тараптар алдын алу және ақпараттық жұмыстарға қатысты мәселелерді егжей-тегжейлі қарастырды. Бұл Қордай ауданында орын алған жаппай тәртіпсіздіктер салдарынан адамдар қаза тауып, зардап шеккен оқиғаға байланысты болды.
Мемлекет басшысы Ішкі істер органдарының өкілдеріне Қордай ауданында болған қақтығыс сияқты оқиғаның қайталануына жол бермеуге бағытталған шаралар қабылдауды тапсырды.
Сондай-ақ, Қасым-Жомарт Тоқаев құқық қорғау органдарынан тәртіпсіздіктерге шақыратын қандай да болмасын ақпаратты таратудың кез келген әрекетінің жолын кесуді талап етті.
Бұған дейін Қазақстан Ішкі істер министрлігінің басшысы Ерлан Тұрғымбаев алдымен тәртіпсіздікке 70-ке жуық адам қатысқанын, бірақ әлеуметтік желілердегі арандатушылық ақпаратына байланысты, ойрандатушылардың саны 300-ге дейін артқанын айтты.
Сурет: akorda.kz
