Бүгін Қазақстан Министрлер кабинетінің басшысы Асқар Мамин Үкіметтің селекторлық мәжілісін өткізіп, онда ауыл шаруашылығы мақсатындағы техника паркінің жағдайы талқыланды, деп хабарлайды lsm.kz ақпарат ресурсы.
Бейнеконференцияға қатысушылар алдында сөз сөйлеген премьер бүгінгі күні біздің республикамызда ауыл шаруашылығы техникасының 70% тозып, пайдалану мерзімі асып кеткенін мәлімдеді.
Асқар Маминнің айтуынша, бұл мәселені шешу үшін жаңа перспективалы өндірістерді бірігіп құратын инвестициялар мен серіктестерді тарту қажет.
Сонымен қатар, премьер атап өткендей, егер Қазақстанда ауыл шаруашылығы техникасын жаңартса, онда еңбек өнімділігі артып, ауыл шаруашылығы өндірісінің көрсеткіштері өседі.
Осыған байланысты Үкімет басшысы Ауыл шаруашылығы министрлігіне және Индустрия министрлігіне Қазақстанда ауыл шаруашылығы техникасын жаңартуға бағытталған нақты шаралар әзірлеуді тапсырды. Тапсырманы орындауға бір айды мерзім берілді.
Сондай-ақ, мәжіліс аясында Асқар Мамин мұнай-газ машиналарын жасау мәселесін де қозғады. Ол бұл салада толық пайдалануға болатын үлкен әлеует бар екенін мәлімдеді, осыған байланысты Энергетика және Индустрия министрлігіне тиісті ұсыныстар енгізуді тапсырды.
Сурет: eadaily.com
