Ертеңнен бастап Павлодар облысының аумағында жаңа карантиндік шектеулер қолданыла бастайды. Мұндай мәлімдемені аймақтық санитарлық-эпидемиологиялық бақылау департаментінің өкілі Гизат Абешев жасады.
Ол 25 қаңтардан бастап облыста Павлодар – Ақсу – Павлодар маршрутымен біріктірілген Ақсу – Павлодар – Ақсу маршруттарынан басқа, облысаралық, қалааралық және ауданаралық автобус жолаушылар тасымалы тоқтатылатынын атап өтті.
Сондай-ақ, осы күннен бастап қоғамдық тамақтану объектілеріне демалыс күндері қонақ қабылдауға тыйым салынады. Алайда, олар алып кету және жеткізу үшін жұмыс істей алады.
Мұндай шаралар 25 қаңтар, сағат 12.00-ден басталып, 8 ақпанның түн ортасына дейін жалғасады. Бұл шаралар коронавирустық инфекцияның таралуын болдырмау үшін қабылданды.
Аймақ басшысы Әбілқайыр Сқақов, өз кезегінде, облыстағы карантин режимінің сақталуын қадағалайтын мониторинг топтарына өз жұмысын күшейту керектігін тапсырды.
Бүгінгі таңда Павлодар облысының үш қаласы мен тоғыз ауданы “қызыл аймақта”. Жалпы, коронавирус тарала басталғаннан бері аймақта 11475 инфекция жұқтыру жағдайы тіркелді.
